Ҳар бир мусулмон бир-бирининг ҳаққига яхшилик тилаб дуо қилиши лозим | Ўн тўққизинчи ҳақ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳар бир мусулмон ўзаро: фосиқ бўлганлари солиҳларнинг, солиҳ бўлганлари эса фосиқларининг ҳаққига яхшилик тилаб дуо қилиши лозим.
Шундайки, фосиқ солиҳ биродарига қараганида: “Аллоҳим, солиҳ биродаримга яхшилик ва саодатдан қисмат қилган нарсаларингни у учун муборак ва ўша яхшиликда собитқадам қилиб, бизни ҳам ўша яхшилик билан манфаатлардир”. Солиҳ кимса фосиққа қараганида эса: “Аллоҳим, бу фосиқ биродаримни тўғри йўлга бошла ва тавбага муваффақ қилиб хатоларини кечир”, деб чин дилдан дуо қилиши керак.
Ибн Аббос розияллоҳу анҳунинг сўзларига биноан Аллоҳ таолонинг: “… ўз ораларида (мўминларга нисбатан) раҳм-шафқатлидирлар…” оятида (ана шундай) дуо қилишга ишора бор.
Абдулҳамид Зайриевнинг “Мусулмоннинг ҳақ ва вазифалари” китобидан
Ўзбекистон Республикаси Дин ишлари бўйича қўмитанинг 2023 йил 16 январдаги 03-07/184-сонли хулоса хати асосида тайёрланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
