Совуққон жарроҳ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Жарроҳ зудлик билан ўтказилиши керак бўлган жарроҳлик амалиётини ўтказиш учун шифохонага етиб келди. Амалиёт хонасига кирмоқчи бўлганда беморнинг отаси унинг олдига бориб, баланд овозда: «Нега кеч қолдингиз? Ўғлимнинг ҳаёти хавф остидаку, сизда раҳм-шафқат деган туйғу борми», деди. Жарроҳ табассум қилиб, «Тинчланинг, вазифамни бажаришимга қўйиб беринг, ишонинг, ўғлингиз Аллоҳ таолонинг риоясидадир», деди.
Ота шифокорнинг гапларини тинглаб: «Биродар, намунча совуққонсиз! Агар ўғлингизнинг ҳаёти ҳам мана шундай хавф остида бўлганида хотиржам бўла олармидингиз? Бошқаларга насиҳат қилиш нақадар осона?», деди.
Жарроҳ отанинг гапларини тинглаб ўтирмай амалиёт хонасига кириб кетди. Орадан икки соат ўтиб, жарроҳ хонадан шошилиб чиқди-да, беморнинг отасига: «Амалиёт муваффақиятли ўтди. Алҳамдулиллаҳ. Ўғлингизнинг аҳволи яхши, мени маъзур тутинг. Мен бошқа жойга ҳам боришим керак», деб отанинг саволларини эшитиб ўтирмай йўлга равона бўлди.
Ҳамшира чиққанда ота ундан сўради: «Бу мағрур шифокорга нима бўлди?»
Ҳамшира шундай деди: «У кишининг ўғли автоҳалокат натижасида вафот этган эди. Шундай бўлса ҳам фарзандингизнинг аҳволини билгач, таклифимизни инобатга олиб келдилар. Ўғлингизнинг ҳаётини сақлагандан сўнг ўз ўғилларини дафн этиш учун шошилиб кетдилар».
Хулоса
Шундай қалблар борки, оғриб турса ҳам, эзилиб турган бўлса ҳам соҳиби бу ҳақида бир оғиз гапирмайди. Бир нарса ҳақида то унинг қандайлигини билмай туриб хулоса чиқарманг.
Нозимжон Ҳошимжон
Ушбу мақола Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2023 йил 11 августдаги 03-07/6522-рақамли хулосаси асосида тайёрланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
