Пойтахтимизда фаолият юритаётган имом-хатиблар тақдирланди
Жорий йилнинг 10 август куни Тошкент шаҳридаги «Шайх Зайниддин» жомеъ масжиди мажлислар залида пойтахтимизда фаолият юритаётган имом-хатиблар учун маърифат соати бўлиб ўтди.
Тадбирни Тошкент шаҳар бош имом-хатиби Абдуқаҳҳор домла Юнусов олиб бориб, диний соҳа ходими тартиб-интизомли бўлиши, ижро интизомига қатъий риоя қилиш кераклиги ҳақида гапирдилар. Шу билан бирга, эртанги жума намози тезисига қўшимча равишда сувни тежаш, исроф қилмаслик ҳақида кўрсатма бердилар.
Маърифат соати сўнгида турли соҳаларда фаол ва жонкуяр бўлган бир неча имом-хатиблар ташаккурнома билан тақдирланди.
Хусусан, Ўзбекистон мусулмонлари идораси Тошкент шаҳар вакили ўринбосари Эргашали домла Рустамов вакиллик ташкилий масалаларида фаоллиги учун тақдирланди.
Чегара ҳудудларда ўтказилаётган тарғибот-ташвиқот ишларида фаоллиги учун:
– ЎМИ Тошкент шаҳар вакили ўринбосари Абдуллоҳ домла Йўлдошев;
– «Имом ат-Термизий» масжиди имом-хатиби Исҳоқжон домла Бегматов;
– «Шайх Муҳаммад Содиқ Муҳаммад Юсуф» жомеъ масжиди имом-хатиби Исмоил домла Муҳаммад Содиқ;
– «Яккасарой» жомеъ масжиди имом-хатиби Салоҳиддин домла Тошонов;
– «Сирож Солиҳ» масжиди имоми Ҳасан домла Қодиров;
– «Доруссалом» масжиди имом-хатиби Абдуқодир домла Муҳаммадраҳимов;
– «Фирдавс» масжиди имом-хатиби Бахтиёр домла Сатторов;
Тарғибот ишларида фаол бўлганлиги учун Шайхонтоҳур тумани бош имом-хатиби Собиржон домла Рустамов;
«Тартибли ва интизомли имом» эътирофига Раҳимберди домла Раҳмонов ва Миробод тумани бош имом-хатиби Меърожиддин домла Ҳайдаров;
Ҳаждаги интизоми учун «Иброхим ота» масжиди имом-хатиби Азимжон домла Алимжоновлар ташаккурномага лойиқ кўрилди.
Ташаккурнома олган имом-хатибларни муборакбод этамиз!
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
