«Қабул – 2023» диний таълим муассасаларига жами 7 503 нафар абитуриент ҳужжат топширди
2023 йил 20 июль куни Ўзбекистон мусулмонлари идораси тасарруфидаги олий ва ўрта махсус таълим муассасаларига 2023–2024 ўқув йили учун абитуриентлардан ҳужжат қабул қилиш жараёнлари якунланди. Бу ҳақда Ўзбекистон мусулмонлари идораси таълим ва илмий тадқиқотлар бўлими маълумот берди.
Унга кўра, «Қабул – 2023» жараёнлари давомида диний таълим муассасаларига жами 7 503 нафар абитуриент ҳужжат топширди. Жумладан:
– Олий диний таълим муассасаларига 650 нафар, шундан 91 нафари аёл-қиз ва 559 нафари эркак абитуриент;
– Ўрта махсус ислом таълим муассасаларига 6 853 нафар, шундан 2064 нафари аёл-қиз ҳамда 4789 нафар эркак абитуриентдан ҳужжатлар қабул қилинди.
Ушбу абитуриентларнинг барчасига кириш имтиҳонларида муваффақиятлар тилаймиз!
Маълумот учун, кириш имтиҳонлари саналари ҳақида қўшимча хабар берилади.
Ўзбекистон мусулмонлари идораси Матбуот хизмати
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
