1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Шахсият

Аллоҳнинг мўъжизаларидан бири — шаршара

14:00 / 06.08.2022 2231 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шариатимизда «Аллоҳнинг зоти ҳақида эмас, балки Унинг яратганлари борасида тафаккур қилинглар», деган муҳим қоида бор. Биз бандалар Роббимизнинг яратган нарсалари ҳақида тафаккур қилсак,  уларга ибрат назари ила боқсак,  жуда кўп маълумотларга, гўзал хулосаларга эга бўламиз.

Шунинг учун биз мусулмонлар атрофимизни ўраб турган табиатга,  борлиққа ибрат назари билан боқайлик.

Табиатдаги Аллоҳ таолонинг қудратига,  санъатига далолат қиладиган нарсалардан бири шаршарадир. Дунёда турли шакл ва ҳажмга эга бўлган кўплаб ажойиб шаршаралар бор.  Жумладан, Виктория,  Ниагара кабилар. Юртимизда ҳам гўзал,  ажойиб шаршара бўлиб,  кишининг қалбини ажиб ҳислар чулғаб олишига сабаб бўлади.  Агар танангизда тетиклик, руҳиятингизни  сокинлик қамраб олишини истасангиз, вақт топсангиз Сурхондарё вилоятининг Сариосиё туманида жойлашган Сангардак шаршарасини томоша қилишга ташриф буюринг. Ушбу ҳудудга ташриф буюрар экансиз, сизга аввало, баланд пурвиқор тоғлар пешвоз чиқади. Ўзингизни худди тоғлар орасидаги дарага тушиб қолгандек ҳис этасиз. Осмоннинг мусаффолиги, ҳавонинг тозалигини айтмайсизми. Шаршарага яқинлашиб борар экансиз, атрофдаги тоғларнинг ҳайбатию, виқоридан ажабланасиз. Шу тоғнинг орасидан отилиб чиқаётган шаршарани кўрганингизда эса Аллоҳнинг санъатига, қудратига қойил қоласиз.


Тоғлар бағридан отилиб чиқаётган шаршара, унинг таъсирида ҳосил бўлган яшил сув ўтлари ажиб манзаранинг пайдо бўлишига сабаб бўлган. Шаршарага яқинлашганингиз сайин юзингизга сув томчилари оҳиста урилади.


Сиз тасвирда кўриб турган расмларни мақола муаллифлари айнан шаршара яқинидан туриб суратга олганлар. Шаршарага боқар эканмиз Аллоҳ таолонинг ушбу ояти ёдимизга келади:

وَتَرَى الْجِبَالَ تَحْسَبُهَا جَامِدَةً وَهِيَ تَمُرُّ مَرَّ السَّحَابِ صُنْعَ اللَّهِ الَّذِي أَتْقَنَ كُلَّ شَيْءٍ إِنَّهُ خَبِيرٌ بِمَا تَفْعَلُونَ

 

«Тоғларни кўриб, қимирламай турибди, деб ҳисоблайсан. Ҳолбуки, улар булутнинг ўтишидек ўтурлар. Бу ҳар бир нарсани пухта қиладиган Аллоҳнинг санъатидир. Албатта, У нима қилаётганингиздан ўта хабардордир» (Намл сураси, 88-оят).

Қиёмат куни шундай даҳшатлики, кўзимизга энг салобатли, виқорли, мустаҳкам бўлиб кўринадиган улуғвор тоғлар ҳам жойидан кўчиб, титилиб, булут каби сузиб юради. Уларни кўрган одам жойида турибди, деб ўйлайди, аслида эса улар булутдек сузиб кетаётган бўлади.

Уларнинг бу ҳолати ҳам

«…ҳар бир нарсани пухта қиладиган Аллоҳнинг санъатидир».

Қиёматда бўладиган ўзгаришлар, жумладан, тоғларнинг булутлар каби сузиб юриши ҳам Унинг ишидир.

«Албатта, У нима қилаётганингиздан ўта хабардордир».

Қиёмат куни амалингизга қараб, мукофот ёки жазо беради.

Аллоҳ таоло барчамизни кўп тафаккур қиладиган ва бунинг натижасида иймонининг нури зиёда бўлиб, ибодатга рағбати ортадиган бандалардан қилсин.

Нозимжон Ҳошимжон ва Хуршид Маъруф тайёрлади

 

Манба
islom.uz
Мавзуга оид мақолалар
Аллоҳ таоло .Эй иймон келтирганлар Бир қавм бошқасини масхара қилмасин, эҳтимол улар булардан яхшироқдир. Ва аёллар ҳам бошқа аёлларни масхара қилмасин, эҳтимол давоми...

4727 05:00 / 02.03.2017
Абу Ҳурайра розияллоҳу анҳудан ривоят қилинади Расулуллоҳ соллаллоҳу алайҳи васаллам Сизлардан кимдир таомланса, бармоқларини ялаб қўйсин. Чунки, у улардан давоми...

2934 05:00 / 02.03.2017
Ибн Касир роҳимаҳуллоҳ ўзининг .Албидая ван ниҳая, номли китобида келтиради.Жуъайф Самарқандий Аббосий халифалардан бўлган Мўътазиднинг дўсти эди. Бир куни у давоми...

2063 17:00 / 03.04.2022
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Мусулмонга қай бир мусибат ҳорғинликми, беморликми, ташвишми, маҳзунликми, давоми...

3679 05:00 / 01.03.2017
Аудиолар

118743 11:58 / 10.10.2018
«Ҳилол» журнали
Китоблар

40704 14:35 / 11.08.2021