1444 йил 18 муҳаррам | 2022 йил 16 август, сешанба
Минтақа:
ЎЗ UZ RU EN
Уламолар

Қуръон базмига 250 мингга яқин мухлислар ташриф буюрди

08:00 / 14 май 5670 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир куни мисрлик машҳур қори, шайх Абдулбосит Абдуссомад роҳимаҳуллоҳнинг уйларини эшиги тақиллади. Очиб қарасалар, ҳиндистонлик бир киши экан. Шайхнинг тушунишларича, у Ҳиндистон мусулмонлари орасидаги энг бой киши томонидан юборилган вакил экан. Вакил у кишидан Ҳиндистонга бориб, Қуръон кечаси уюштириб беришларини илтимос қилади ва бу илтимоси Ҳиндистондаги миллионлаб мусулмонлар номидан бўлаётганини, уларнинг истак ва хоҳишларини рад этмасликни, чунки улар шайх Абдулбосит қорини овоз ва тиловат услубларига ошиқ эканликларини, овозларини ёзиб олиш учун шай эканликларини, ташрифларини интизорлик билан кутаётганларини, улуғ қорининг Ҳиндистонга ташрифлари улар учун байрамдек бўлишини маълум қилади. Шайх ушбу таклифни қабул қилиб, Ҳиндистонга сафар қиладилар. 

Шайх Абдулбосит роҳимаҳуллоҳ у ерда қанча инсонлар кутиб турганини тасаввур ҳам қилмаган эдилар. Тадбирни ташкил этаётган ҳиндистонлик мусулмон тадбиркор мамлакатдаги энг катта ва кенг масжидда Қуръон базмини ўтказишни режалаштирган эди. Катта масжиднинг танланиши эса барча ташриф буюрувчиларни сиғдира олиши учун тайёрланган эди. Бироқ тадбиркор ташриф буюрувчиларнинг кўплигидан ҳайратда қолди. Сўнгра бу муаммони ҳал этиш ва одамларни сиғдириш учун тадбир катта стадионга майдонига кўчирилди. Барча тиловатни тинглашга шай бўлиб турганда кутилмаганда мисрлик Қуръон ҳофизини тинглаш учун мамлакат Бош Вазири Индира Ганди ҳам ташриф буюрди. Қарийб 250 минг ҳиндистонлик мусулмонлар шайх Абдулбосит Абдуссомаднинг тиловатларини тинглаб роҳатландилар, қалблари жунбушга келди.

Шайх Абдулбосит Абдуссомад қоридан Аллоҳ таоло рози бўлсин!

«Мазамир ул Қуръан» китобидан Нозимжон Ҳошимжон таржимаси

Хуршид Маъруф тайёрлади


Манба
islom.uz
Мавзуга оид мақолалар
Фақиҳ, аллома, муфтий Абул Ҳасан Али ибн Иброҳим ибн Насрувайҳ ибн Сахтом ибн Ҳарсама Ғаззий Самарқандий Ҳанафий.Умрларининг охирида ҳаж қилганлар.Бағдод ва давоми...

1161 15:00 / 13.12.2020
Хожа Саййид Аҳмад эшон юрт равнақи, халқ фаровонлиги ҳамда илм маърифат ривожи учун Учқўрғонни кенгайтиради. Ўша даврда Чортоқдан турли касб эгалари, савдогарлар, давоми...

675 12:30 / 10 январь
Зиёратrdquo рукнидаги туркум суҳбатларнинг навбатдаги сонида Салоҳиддин Муҳиддиновнинг уйларига ташриф буюрдик. Сиз азизлар билан Салоҳиддин Муҳиддинов давоми...

5786 13:28 / 13.12.2017
Наманган шаҳри, Сардоба даҳаси, ҳозирги Тўрақўрғон кўчасида туғилиб, катта бўлган Яҳёхон тўра ибн Файзихон тўра 19 аср ўрталарида маълум сабабларга кўра, она давоми...

1890 14:18 / 11 февраль
Аудиолар

86384 11:58 / 10.10.2018
Фотолар

5648 09:50 / 18.04.2018
«Ҳилол» журнали
Китоблар

15544 14:35 / 11.08.2021
Топ рейтинг www.uz Openstat