Таҳқирлашни тарк этиш
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Уламолар султони Иззуддин Абдуссалом раҳимаҳуллоҳ дедилар:
«Бировга иззат кўрсатиш ва эҳтиром маъносида ўрнидан туришнинг зарари йўқ. Расулуллоҳ соллаллоҳу алайҳи васаллам ансорларга қарата: «Саййидларингиз, улуғларингизга (ҳурматан) ўрнингиздан туринглар» деганлар. Яъни, Саъд ибн Муоз розияллоҳу анҳуга. Шунингдек, Бану Қурайзаликларга ҳам шундай деганлар: «Ота-онага, солиҳ кишиларга ва уламоларга ўрнидан туриб эҳтиром кўрсатишнинг зиёни йўқ».
Лекин бугунги замонда буларга амал қилиш ўрнига ўзаро нафратланиш, бир-бири билан орани очиқ қилиш, урушиш ва ўзаро душманчилик қилишга одатланилди. Шунинг учун ушбу қайтарилган, ҳазир бўлишга буюрилган ишларни тарк этиш, даф этишга сабаб бўлувчи ишларга амал қилиш лозимдир.
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Бир-бирингизни ёмон кўрманг. Бир-бирингиз билан рақобатлашманг. Бир-бирингизга қарши тадбир қилманг. Эй Аллоҳнинг бандалари, биродар бўлинглар!».
Имом Бухорий ривояти.
Бу ўринда айнан амалга буюрилмасада, ҳурмат кўрсатиб ўрнидан туришга одатланганларни ёмон кўрмаслик ва таҳқирлашни тарк этишни тақозо этади.
Манба: @arabicuz
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
