Бу менинг шахсий танловим
Динингизнинг барча меъёрларига риоя қилиб, ўзингиз ёқтирган спорт тури билан шуғулланиш ва намуна бўлиш мумкинми? Бу мураккаб масалани 22 ёшли глазголик Абтаҳа Мақсуд ҳал қилди. У халқаро миқёсда крикет ўйнаган биринчи ҳижобли британиялик аёл бўлди.
Покистон оиласида туғилган Абтаҳа ёшлигида отаси ва акалари билан уйининг боғида крикет ўйнай бошлади.
«Отам ва онам крикетнинг катта мухлислари. Шу билан бирга, отам барча спорт турлари муҳимлигини айтади», дейди спортчи. У маҳаллий крикет клубига қўшилганида атиги 11 ёшда эди. Тўрт ой ўтгач, у Шотландия терма жамоаси аъзосига айланди.
Ҳозирда у Англиянинг «Бирмингем Феникс» клубида ўйнайди.
«Бу одамлар биринчи марта ҳижобли аёлни юқори даражали крикет ўйнаётганини илк марта кўриб туришибди. Менимча бу ҳақда гапириш ҳам муҳим», дейди у.
Крикет ўйнашдан ташқари, Абтаҳанинг таэквондо бўйича қора белбоғи ҳам бор. У буни 11 ёшида олган. Бу спорт тури билан у Буюк Британия ва Шотландия чемпионатларида қатнашган.
Мусулмон аёл спорт ютуқларидан ташқари университетда стоматология соҳаси бўйича учинчи босқичда ўқийди.
Сўзининг охирида Абтаҳа: «Ҳижоб менга ҳеч қачон тўсқинлик қилмаган, бу менинг шахсий танловим», деди.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
