Қашқадарёлик қорилар ижоза олдилар
Айни вақтда юртимизнинг бир гуруҳ таниқли уламолари Қашқадарё вилоятига ташриф буюриб, намозхонлар билан учрашувлар ўтказишмоқда.
Аввал хабар қилганимиздек қироат илми устози, 10 та қироат соҳиби, серғайрат олим, мударрис, шайх Aлижон қори Файзуллоҳ Махдум ўғли Қарши шаҳрида бўлиб турибди.
Ташриф чоғида шайх Алижон қори Файзуллоҳ Махдум ўғли «Хўжа Бухорий» мадрасасида ўтказилган учрашув давомида қашқадарёлик 4 нафар қориларга ижоза бердилар. Улардан Абусаидхон қори Валиев ва Яҳёхон Аҳмедов Қарши шаҳар «Кўк гумбаз» жоме масжидининг ходими саналади.
Маълумот ўрнида ижоза – ижоза берувчи шайх (муқрий)дан ижоза олувчи толиб (қорий)га ўқиш ва ўқитиш учун бериладиган шаҳодатдир.
Умумий қилиб айтадиган бўлсак, ижоза – авлоддан авлодга Қуръони Каримни овоз ила нақл қилиш амалиётидир. Унга кўра, ижоза берувчини «Албатта, ижоза олувчининг тиловати бир ривоят ёки ривоятларга кўра юз фоиз тўғри бўлди», деб гувоҳлик беришлиги ҳамда унга Қуръони Каримни ўқиш ва ўзидан бошқасига ўқитиш учун изн (рухсат) беришлигидир.
Аллоҳ таоло қориларимизнинг илмларини янада зиёда қилсин. Юртимиздаги барча қориларга ва толиби илмларга улуғ устоз олимлардан ижоза олиш насиб этсин!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
