«Закот» хайрия жамғармаси муҳтожларга ёрдам беришда давом этмоқда
Татаристон мусулмонлари диний идорасининг «Закот» хайрия фонди уйсиз ва муҳтожларга хайрия дастурхонларини ёзишда давом этмоқда. Бу ҳақда mynamaz.ru манбаси хабар беради. 24 май соат 10:00дан бошлаб Қозон шаҳридаги «Бурхон Шаҳиди» номидаги боғда иссиқ овқат бепул тарқатилди. Эҳтиёжмандларга биринчи ва иккинчи таомлар (гўштли шўрва ва палов), нон, чой берилди. Жамғарма ходимлари бир соат ичида 50 дан ортиқ одамни овқатлантирган. Келажакда уйсиз ва муҳтожларга иссиқ овқат бериш ҳар жума куни ўтказилади. Хайрия дастурхонларига ташриф буюрувчиларнинг барчаси аҳолининг энг муҳтож қатламлари вакиллари: уйсизлар, етимлар, ногиронлар, қийин шароитда бўлган ёлғиз қариялардан иборат.
Татаристон Республикаси мусулмонлари маънавий бошқармасининг «Закот» хайрия жамғармаси ҳам кўнгиллиларни ушбу акцияни ташкил этишда ёрдам беришга чақиради. Истаган ҳар бир киши ушбу хайрли ишда иштирок этиши мумкин. Бунинг учун қуйидаги рақамга қўнғироқ қилиш мумкин: 225-33-22.
Бундан ташқари, Қозон шаҳрида Татаристон Республикаси мусулмонлари маънавий бошқармаси ва AНО Ижтимоий реабилитация ва адаптация марказининг ташаббуси билан қийин ҳаёт шароитида бўлган одамларга 3 та ёрдам пункти мавжуд.
Эҳтиёжмандлар стационар пунктларда озиқ-овқат ва мавсумий кийим-кечак учун мурожаат қилишлари мумкин: Симонова кўчаси, «Раҳматулла» масжиди ҳудудида, Aвангардная кўчаси, 58-уй ва Бурхон Шаҳиди, 26-уй. Татаристон Республикаси мусулмонлари диний идорасининг «Муҳтожларга бепул ёрдам» мажмуаси билан ҳамкорлиги AНО «Ижтимоий реабилитация ва адаптация маркази» билан 2014 йилдан бери тузилган шартнома асосида амалга оширилмоқда.
"Муҳтожларга бепул ёрдам" ҳайрия фаолияти таниқли жамоат арбоби Aзат Ғайнутдинов раҳбарлигидаги Реабилитация ва Aдаптация Маркази томонидан амалга оширилади.
Мунира Баҳодиржон қизи таржимаси
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
