«Қуръони Карим мусобақаси – 1442» танловининг финал босқичини ўтказиб юборманг!
Маълумки, AzonTV – илмий-маърифий онлайн телеканали томонидан Республикамиз бўйлаб Устоз Зайниддин қори Муҳаммад Юсуф хотираларига бағишланган «Қуръон мусобақаси – 1442» танлови ўтказилмоқда. Мазкур мусобақанинг дастлабки босқичларида 280 нафар иштирокчи қорилардан 28 нафари финал йўлланмасини қўлга киритиб, унинг якуний босқичига етиб келишди.
Бугун ана шу танловнинг якуний босқичи пойтахтимизнинг “Дубай” ресторанида ташкиллаштирилмоқда. Мусобақада Ўзбекистон мусулмонлар идораси масъуллари ва устоз имомлар, қорилар ва ОАВ вакиллари иштирок этиши кутилмоқда.
Танлов ғолиблари бош соврин «Spark» автомобили, тиловат йўналиши бўйича биринчи ўрин соҳибига эса компьютер жамланмаси, шунингдек қуйи ўрин соҳиблари ҳам қимматбаҳо совғалар, ноутбук ва телевизорлар билан тақдирланади. Шунингдек, қолган иштирокчиларга ҳомийлар томонидан эсдалик совғалари берилади.
«Қуръони Карим мусобақаси – 1442» танловининг финал босқичини кузатиб боринг ва Қуръонга мухлис бўлинг!
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
