1445 йил 11 зулқаъда | 2024 йил 19 май, якшанба
Минтақа:
ЎЗ UZ RU EN
Ақийда

Табиий кучларга сиғиниш

00:12 / 03.12.2016 3404 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Табиат ўз ажойиботлари, гўзаллиги, сир-асрори ва кишиларга етказаётган фойдалари билан ҳар бир кишида диндорлик туйғусини уйғотади. Табиат ўзининг шафқатсизлиги билан, ғайритабиий кучи билан инсонни ундан паноҳ излашга, нажот ахтаришга мажбур ҳам қилади. Машҳур олимлардан бири шундай дейди: «Табиат кучлари қадимги инсонларнинг эътиборини ўзига тортган ва даҳшатга солган биринчи нарса бўлган. Шунинг учуй ҳам инсонда диндорлик туйғуси пайдо бўлиб, табиат кучларига сиғина бошлаган. Табиат кучлари қадимги кўпгина халқларнинг назарида илоҳий бўлиб, унга сиғиниш ва бўйсуниш зарур деб тушунганлар. Баъзи бир халқлар эса табиат кучларининг бирини худо деб тушунган. Осмоннинг алоҳида худоси бор, шунингдек ернинг, денгизнинг, ҳавонинг ва ҳоказо. . . «

Қуръон табиат кучларига сиғинишни саёз фикрлаш деб, фақат ягона Аллоҳнинг ўзига ибодат қилишга чақиради. Чунки Aллоҳ ўша табиат ва унинг кучларини ҳам яратган зотдир. Қypъони Каримнинг «Соффат» сурасида шундай дейилади: «У зот осмонлару ернинг ва иккиси орасидаги нарсаларнинг Роббидир. Ва машриқларнинг Роббидир» (5-оят).

Аллоҳ - ягона илоҳи - мабуъдингиз бўлган зот: «...осмонлару ернинг ва иккиси орасидаги нарсаларнинг Роббидир».

Яратувчиси ва тадбирини қилувчисидир. Осмонларга қаранг! Қанчалик бепоён! Қанчалик юксак! Қанчалик мустаҳкам! Қанчалик муҳташам! Қанчалик бенуқсон! Ана шуларнинг ҳаммасини Аллоҳ яратган, Аллоҳ тадбирини қилиб туради. Уларнинг Робби Аллоҳдир.

Ерга назар солинг! Унинг ажойиботларига боқинг! Уни ҳам Аллоҳ яратган, Аллоҳ тадбирини қилиб туради. Унинг ҳам Робби Аллоҳдир.

Осмонлару ернинг орасидаги сонсиз-саноқсиз нарсаларга қаранг! Ҳаммасини Аллоҳ яратган. Ҳаммасининг тадбирини Аллоҳ қилиб туради. Ҳаммасининг Робби Аллоҳдир. Шунингдек, Аллоҳ;

«Ва машриқларнинг Роббидир».

Қуёш ҳар куни чиқадиган жойларни–машриқларни яратган зот ҳам Аллоҳдир. Уларнинг тадбирини қилиб турувчи зот ҳам Аллоҳдир. Уларнинг Робби ҳам Аллоҳдир.

Аллоҳ машриқларнинг Робби бўлганидан кейин мағрибларнинг ҳам Робби бўлиши турган гапдир. Шундай Зотга ибодат қилмай, У яратган нарсаларга ибодат қиласизми?

Бошқа бир оятда эса: «Албатта, осмонлару ерни олти кунда яратган, сўнгра Аршни эгаллаган Роббингиз кеча ила кундузни қоплайдир. Уни шошилиб қувлайдир. Қуёш, ой ва юлдузларни Ўз амрига бўйсундирилган қилиб яратди» («Аъроф» сураси, 54-оят).

Муаллиф
islom.uz
Мавзуга оид мақолалар
Қиёмат қоим бўлганда рўй берадиган қаттиқ ҳолат қалбларни ларзага солади, ақлларни бошдан учиради, инсоннинг хаёлини паришон қилади, ҳатто эмизикли аёллар давоми...

1743 19:00 / 10.07.2023
Аллоҳ таоло Аъроф сурасида қуйидагиларни айтади .Агар сенга шайтон томонидан санчиш санчилса, Аллоҳдан паноҳ сўра. Албатта, У ўта эшитувчидир, ўта давоми...

2857 19:00 / 03.01.2023
Аллоҳнинг борлигига ишонган одам У Зотни яхши таниши ҳам керак. Ақоид илми истилоҳи билан айтганда, маърифат ҳосил қилиши лозим. Бу маърифат эса Аллоҳ таолонинг давоми...

6640 14:00 / 21.01.2019
Бу масалани мўътадил равишда ечган мазҳаб Аҳли сунна ва жамоа мазҳабидир. Аммо Аҳли сунна ва жамоанинг икки бош йўналиши ndash ашъарийлар ва мотуридийлар орасида давоми...

2905 17:00 / 09.08.2021
Аудиолар

121569 11:58 / 10.10.2018
«Ҳилол» журнали
Китоблар

43045 14:35 / 11.08.2021