Доғистонда «Мард ўғлон» мультфильмининг давоми тайёрланмоқда
Доғистонда «Мард ўғлон» номли мультфильмнинг янги қисмлари тайёрланмоқда. Бу ҳақда islamosfera.ru манбаси хабар берди.
Лойиҳа муаллифларининг сўзларига кўра, «Мард ўғлон» анимацион мультфильм миллий маданият ва урф-одатларни қўллаб-қувватлаш ва ривожлантириш, шунингдек, ўзаро ёрдам, дўстлик, жасорат ва ақл-идрок каби фазилатларни оммалаштиришга қаратилган.
«Мард ўғлон» анимацион мультфильм сериали илк бор 2017 йил YouTube ижтимоий тармоқларида тарқатилган. Бугунги кунга қадар мультфильмнинг уч қисми оммага тақдим қилинди. Ҳозирда тўртинчи қисмини тайёрлаш ишлари олиб борилмоқда. Ҳар бир мультфильмнинг давомий вақти 8-9 минутни ўз ичига олади.
Мультфильмда Аждаҳо исмли сеҳргар билан курашадиган мард ўғлон Саиднинг саргузаштлари ҳақида ҳикоя қилинади. Ҳар бир қисм олийжаноблик фазилатларидан бирига бағишланган. Унда ўзаро ёрдам, меҳнатсеварлик, ҳалоллик ўз ифодасини топади. Буларнинг барчаси Сунгур бобо набиралари Шомил ва Софияга айтиб берган ҳикоясида акс этади.
Ушбу лойиҳа Президент грантлари жамғармаси томонидан 1,9 миллион рубль миқдорида молиявий маблағ олади.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
