1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Муфтий АҚШлик мусулмонларни Рамазон ойи билан табриклади

12:30 / 25.05.2019 1634 pdf Ўқиш режими + -

Ўзбекистон мусулмонлари идораси раиси, муфтий Усмонхон Алимов АҚШга қилган сафари давомида Вашингтон шаҳридаги энг қадимий ҳисобланмиш «Муҳаммад» номли жоме масжидида мўмин-мусулмонлар билан дилдан мулоқот қилди.

Муфтий АҚШлик мусулмонларни Рамазон ойи билан муборакбод этиб, Ўзбекистон заминидан етишиб чиққан буюк алломалар, уларнинг илмий меросларининг жаҳон илм-фани ривожидаги ўрни, муҳтарам Президентимизнинг диний-маърифий соҳада олиб бораётган ислоҳотлари, юртимиз мўмин-мусулмонларининг турмуш ҳаёти, янги очилаётган масжид-мадрасалар ва илмий мактаблар фаолияти ҳақида батафсил маълумот берди.

Ушбу жоме масжиднинг имом-хатиби Толиб Шариф жаноблари ўзаро мулоқотда ўтган йили Ўзбекистонга ташриф буюргани, диний-маърифий соҳада амалга оширилаётган ижобий ишларни ўз кўзи билан кўргани, ҳақиқатан, мусулмон оламида Ўзбекистон етакчи давлатлардан бири эканини билдирди.

«Муҳаммад» номли жоме масжид жойлашган ҳудудда Ислом маърифатини кенг ёйиш, мўмин-мусулмонларнинг диний эҳтиёжларини қондириш ва ташкилотларда исломий тушунчаларни етказишда Имом Толиб Шариф жанобларининг хизматлари кўпчиликка маълум. У кишидан Аллоҳ рози бўлсин.

Маълумот ўрнида, «Муҳаммад» масжиди 1930 йилда барпо этилган бўлиб, АҚШ пойтахти Вашингтондаги энг қадимий масжид ҳисобланади. Масжид жойлашган ҳудудда жуда кўп мусулмонлар истиқомат қилади. Шаҳар четида масжидга қарашли ёрдамчи хўжаликлар ва вақф ерлари ҳам мавжуд. Ундан тушган даромадлар ушбу масжид ва мўмин мусулмонларнинг эҳтиёжлари учун сарфланади. Жума кунлари масжидга 500-600 намозхон ташриф буюради. Машҳур боксчи, жаҳон чемпиони Муҳаммад Али ҳам шу масжид қавмидан бўлган.

Шунингдек, ушбу жоме «Миллат масжиди» ва «Вашингтон масжиди» номлари билан ҳам машҳурдир. Масжид узоқ йиллар шаҳар, туман ва Колумбия округининг, қолаверса қатор масжидларнинг энг йириги ҳисобланган. Дин Муҳаммад исмли аллома ушбу масжидга биринчи бўлиб, имомлик қилганлардан биридир. У фаолияти давомида миллионлаб мусулмонларнинг оғирини енгил қилиш, ижтимоий қўллаб-қувватлаш каби ишларни бажарган.

Ўзбекистон делегациясининг АҚШ сафари давом этмоқда.

Манба
Ўзбекистон мусулмонлари идораси
Мавзуга оид мақолалар
Адабиёт бўйича 2021 йилги Нобел мукофоти лауреати Буюк Британияда яшовчи танзаниялик Абдулраззоқ Гурнага тақдим этилди. Бу ҳақда Швеция Қироллик Фанлар академияси давоми...

1264 15:40 / 08.10.2021
Жорий йилнинг 29 июль кунидан бошлаб quotЎзбекистон ҳаво йўллариrdquo авиакомпанияси Ҳаж2018rdquo мавсуми муносабати билан рейсларни йўлга қўйди.Зиёратчилар жорий йилда давоми...

3137 08:22 / 01.08.2018
Тошкент, СанктПетербург ва Уфа шаҳарларида мусулмонларнинг муқаддас китоби ҳақидаги ҳужжатли фильмни суратга олиш бошланади. Бибиси телеканалининг давоми...

1867 16:00 / 20.09.2021
Қозоғистоннинг Туркистон шаҳридаги quotКонгрессхоллquot маданият мажмуасида Мусулмонлар идораси томонидан Х Республика Қуръони карим мусобақаси бўлиб давоми...

1284 12:00 / 16.10.2021
Аудиолар

118749 11:58 / 10.10.2018
«Ҳилол» журнали
Китоблар

40708 14:35 / 11.08.2021