Кардарий
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллома, машриқ фақиҳи, шамсул аимма Абул Ваҳда Муҳаммад ибн Абдусаттор ибн Муҳаммад Имодий Кардарий Ҳанафий Баротқиний.
Баротқин – Кардарнинг бир томони. Кардар – Хоразм диёрининг катта ноҳияси.
У кишининг таржимаи ҳолларини менга Абул Ало Фаразий айтиб бер-дилар: «Бу киши – имомларнинг мутлақ устози. Ҳузурларига дунёнинг турли томонидан толиби илмлар ёғилиб келган. Хоразмда “Шарҳул мақо-мот” китоби муаллифи Бурҳониддин Носир ибн Абдусаййид Мутарризий-дан қироат илмини, Самарқандда шайхулислом Бурҳониддин Али ибн Абу Бакр ибн Абдужалил Марғинонийдан фиқҳни ўрганганлар ва ҳадис эшит-ганлар. Бухорода аллома Бадриддин Умар ибн Абдулкарим Варсакий, Абул Маҳосин Ҳасан ибн Мансур Қозихон ва бошқалардан фиқҳдан таълим олганлар. Ҳанафий мазҳаби ва унинг усулларини билишда юқори мақомга эришганлар. Кўплардан фиқҳ илмини ўрганганлар. Бухорода бўлганларида ҳузурларига илм ўрганиш учун кўп кишилар келган. Улар: акаларининг ўғиллари аллома Муҳаммад ибн Маҳмуд Фақиҳий, шайх Сайфиддин Бохарзий, аллома, дин ҳофизи Муҳаммад ибн Муҳаммад ибн Наср Бухорий, Заҳириддин Муҳаммад ибн Умар Нужобозий ва бошқалар».
Фаразий буларнинг ҳаммаларини номма-ном зикр қилганлар ва: “У ки-ши 559 йилда таваллуд топдилар. 642 йил муҳаррам ойида Бухорода вафот этдилар. Имом Абдуллоҳ ибн Муҳаммад ибн Яъқуб Ҳорисийнинг ёнларига дафн қилиндилар”, – деганлар.
«Машҳур даҳолар сийрати» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
