Россия халқаро исломий конференцияга мезбонлик қилади
«Ислом раҳмат ва тинчлик хабарчиси» номли халқаро конференция Чеченистон Республикаси Мусулмонлар идораси ташаббуси билан ташкил этилмоқда, деб хабар беради el-Ahram ахборот сайти.
Конференция март ойининг 28–30 санасида Россиянинг иккита шаҳри – Москва ва Грознийда бўлиб ўтади. Халқаро анжуман Россия Президенти Владимир Путиннинг ҳомийлигида ва Жаҳон мусулмонлар лигаси, Россия Президенти ҳузуридаги Маданият, исломий билимлар ва таълимни ҳимоя қилиш жамғармаси, Москвадаги Россия шарқшунослик институти, Чеченистондаги «Аҳмад Ҳожи Қодиров» жамғармаси ҳамкорлигида ўтказилади.
Хабарда айтилишича, дунёдаги барча мамлакатларга таклифномалар юборилган бўлиб, конференцияда қатнашишни хоҳловчилар ўз юртларидаги диний бошқармаларга мурожаат этишлари мумкин.
Анжуманда “Исломда бирдамлик тамойиллари”, “Мусулмонлар ва тинчлик жамияти” “Терроризм ва экстремизим”, “Ислом ва цвилизациянинг ўзаро таъсири” ва бошқа муҳим мавзуларда маърузалар қилинади.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
