1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Ислом

Пул муомаласи: Қуръон ва суннат асосида маслаҳатлар

16:14 / 08.04.2017 8521 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

1. Ризқдаги баракотни кўпайтиринг.

Ҳар бир мусулмон ризқини ҳалолдан таъминлаши лозим. Бу эса Ислом арконлари ва қадриятларига зид бўлмаган йўллар билан касб қилишни тақозо этади. Эътиқодимизга кўра бойликнинг қанчалиги эмас, қайси йўл билан топилгани муҳимдир. Ҳалолдан ризқ талаб этиб, ҳаромдан қочиб, Аллоҳга бергани учун шукр келтириб, меҳнатини чин дилдан адо қилган инсон, албатта, Парвардигорнинг инояти билан барака топади. Бу эса ўз навбатида топилган маблағнинг фойдаси янада ортишини таъминлайди. Инсон баракадан маҳрум бўлса, топаётган пуллари қанча кўп бўлмасин, бемақсад кетаверади.

2Сарф-харажатларни ҳисобга олиб боринг. 

Қуръони Каримда:

«У (ишкомларга) кўтариладиган ва кўтарилмайдиган боғларни, хурмо ва экинларни, емагини хилма-хил қилиб, зайтун ва анорларни бир-бирига ўхшатиб ва ўхшатмай пайдо қилган Зотдир. Мевалаган пайтида унинг мевасидан енглар ва йиғим-терим кунида ҳаққини беринглар. Ва исроф қилманглар. Албатта, У исроф қилгувчиларни севмас» (Анъом сураси, 141-оят), дейилган.

Етарли маблағ билан ризқингизни кўпайтирган бўлса, уни ҳисобли сарфлаш масъулиятини ҳис этиб яшашингиз керак. Исрофидан сақланинг! Чунки исроф Аллоҳ берган неъматларга ношукрчиликдир. Аммо масаланинг иккинчи тарафи ҳам борки, исрофдан сақланаман, деб жуда хасислик ва бахиллик ҳам қилманг.

3. Садақа қилинг. 

Эҳсон-садақа ҳам мусулмон зиммасидаги яна бир масъулиятдир. Йўқсилларга ёрдам, ҳамдардлик ва раҳм қилиш садақа билан бўлади.

Расулуллоҳ соллаллоҳу алайҳи васалламдан «Қандай амал Аллоҳ учун энг маҳбубдир?» деб сўралди. «Агар оз бўлса ҳам, давомлиси», дедилар (Икки Шайх ва Имом Термизий ривоятлари).

Садақа ҳам ризққа баракот келтирувчи амаллардандир. Ҳатто ўз эътиёжларимиз учун ишлаб топганларимиз ҳам аслида Аллоҳ таолонинг инъомидир. Шунинг учун пул топишдаги мақсадимиз Ўзининг ризоси бўлиши керак.

Аллоҳ таоло Қуръонда:

«Аллоҳга яхши қарз берадиган ким бор?! Бас, токи унга берганини кўп марта кўпайтириб берса. Ва ҳолбуки, Аллоҳ (ризқни) тор қилур ва кенг қилур. Ва Унгагина қайтасизлар» (Бақара сураси, 245-оят), деб марҳамат қилган.

4. Аллоҳга таваккул қилинг. 

Ўз эҳтиёжларимизни қондириш учун бор ғайрат ва кучимизни сафарбар қилишимиз, қолганига эса Аллоҳга таваккал этишимиз керак. Пайғамбаримиз соллаллоҳу алайҳи васалламдан «Туянинг қочиб кетмаслиги учун боғлаймизми ёки Аллоҳга таваккал қилайликми?» деб сўралганида у зот алайҳиссалом аввал боғлаб, кейин таваккал қилинишини айтганлар (Имом Термизий).

Муаллиф
islom.uz
Мавзуга оид мақолалар
Инсон ҳаёти одамлар орасида кечади, вақт ўтиб бу ҳаёт ўзига хос қиссага айланади. Унда ички қарамақаршиликлар рўй беради. Бу қисса гоҳо ибрат ва намуналарга эга давоми...

12885 22:04 / 23.11.2017
40 кунлик намоз қалбни қандай ҳолатга келтирадиҚизлардан бири айтади .Мен ўн иккинчи синфда таҳсил олар эдим. Бир куни онам менга .Рамазонга 15 кун қолди. Сен у ой давоми...

2289 09:00 / 05.10.2021
Бир одам .Аллоҳ, исломни фалончи билан азиз қил, дебди. Шунга бошқалар .Ислом ўзи азиз эмасми, деб унга .раддия, ва ҳақоратлар ёғдиришмоқда. Расулуллоҳ соллаллоҳу давоми...

1381 11:10 / 24 февраль
269. 322. Толҳа ибн Убайдуллоҳ ибн Курайздан ривоят қилинади.Расулуллоҳ соллаллоҳу алайҳи васаллам.Ҳар бир маъруф садақадир. Яхшиликка далолат қилувчи худди уни давоми...

5291 16:16 / 22.03.2018
Аудиолар

118744 11:58 / 10.10.2018
«Ҳилол» журнали
Китоблар

40705 14:35 / 11.08.2021