1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Кун ҳадиси

Илм талаби

09:45 / 02.11.2017 3650 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Зирр ибн Ҳубайш розияллоҳу анҳудан ривоят қилинади:

“Сафван ибн Ассал розияллоҳу анҳу ҳузурларига икки маҳсига масҳ тортиш хусусида сўраш учун бордим. У киши: “Эй Зирр, сени нима нарса (бу ерга) олиб келди?” дедилар. Шунда мен: “Илм талаби”, дедим. У киши: “Албатта фаришталар толиби илмнинг илм талаб қилганидан миннатдор бўлиб, қанотларини унга ёзишади”, дедилар. Мен: “Катта таҳорат ва бавл қилгандан кейин маҳсиларга масҳ тортиш ҳақида қалбимда тараддудланиш асорати бор. Сиз эса Набий соллаллоҳу алайҳи васалламнинг саҳобаларидан бўлган кимсалардансиз. Мен ҳузурингизга у зотдан бу ҳақда бирор нарса айтганларини эшитганингиз борми?” деб сўраш учун келдим”, десам, у киши: “Ҳа, агар мусофир бўлсак, уч кеча ва кундуз маҳсиларимизни ечмай, (масҳ тортишимизни) буюрдилар. Жунубликдан ташқари катта бўшаниш, бавл қилиш ҳамда уйғонгандан кейин (масҳ тортар эдик)”, дедилар. Мен: “Сиз муҳаббат тўғрисида Расулуллоҳ соллаллоҳу алайҳи васалламдан бирор нарса эшитганмисиз?” десам, у киши: “Ҳа, биз Расулуллоҳ соллаллоҳу алайҳи васаллам билан сафарда бирга эдик. Бир пайт ҳузурларида ўтирсак, баланд овозли бир саҳройи араб: “Эй Муҳаммад”, деб чақирди. Расулуллоҳ соллаллоҳу алайҳи васаллам унинг овозига ўхшатиб: “Ҳа, нима дейсан?” дедилар. Мен эса унга: “Сенинг ҳолингга вой бўлсин, овозингни пастлатгин, чунки сен Набий соллаллоҳу алайҳи васаллам ҳузурларидасан, бундай овозни баландлатишдан ман этилгансан”, дедим. Саҳройи араб: “Аллоҳга қасамки, овозимни пастлатмайман”, деб Расулуллоҳ соллаллоҳу алайҳи васалламдан: “Киши бир қавмни яхши кўради-да, уларга эргашмаган бўлади, шунда нима бўлади?” деб айтганида, Набийсоллаллоҳу алайҳи васаллам: “Киши Қиёмат куни яхши кўрган кишилари билан бирга бўлади”, дедилар. У зот бизга гапиришда давом этиб, мағрибдаги бир дарвозани зикр қилдилар. У дарвозанинг кенглиги қирқ ёки етмиш йиллик масофа ёки отлиқ унинг кенглигида қирқ ёки етмиш йил юради. Ровийлардан бири Суфённинг айтишларича, у дарвоза Шом томонда бўлиб, Аллоҳ таоло осмонлар ва Ерни яратган куни халқ қилгандир. У дарвоза тавба учун доимо очиқ бўлиб, қуёш мағрибдан чиқмагунича ёпилмайди”, дедилар”.

Имом Термизий ва бошқалар ривоят қилишди. Имом Термизий ҳасан, саҳиҳ, дедилар.

Муаллиф
islom.uz
Мавзуга оид мақолалар
Анас розияллоҳу анҳудан ривоят қилинадиНабий соллаллоҳу алайҳи васаллам.Аллоҳим, ҳақиқий яшаладиган ҳаёт охиратдаги ҳаётдир,, дедилар.Муттафақун алайҳ.

2465 05:45 / 11.07.2018
Анас розияллоҳу анҳудан ривоят қилинади .Набий соллаллоҳу алайҳи васалламга Исро кечасида эллик вақт намоз фарз қилинди. Сўнгра қисқартирилиб, беш вақтга давоми...

17887 07:34 / 17.02.2023
Абу Ҳурайра розияллоҳу анҳудан ривоят қилинадиРасулуллоҳ соллаллоҳу алайҳи васаллам кунларнинг бирида ёки кечаларнинг бирида кўчага чиққанларида, Абу Бакр ва давоми...

3451 06:10 / 24.08.2018
Абу Молик Ҳорис ибн Осим алАшъарий розияллоҳу анҳудан ривоят қилинадиРасулуллоҳ соллаллоҳу алайҳи васаллам Поклик иймоннинг ярмидир. .Алҳамдулиллаҳ, тарозуни давоми...

3484 08:05 / 10.11.2017
Аудиолар

118804 11:58 / 10.10.2018
«Ҳилол» журнали
Китоблар

40754 14:35 / 11.08.2021