1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Тафсири ҳилол

Бақара cураси, 59-оят

09:05 / 07.09.2017 2911 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бас, зулм қилганлар уларга айтилган сўзни бошқасига алмаштирдилар. Бас, зулм қилганларга фосиқлик қилиб юрганлари туфайли осмондан қақшатқич азоб туширдик. Бақара 59.

Табиатига бузғунчилик сингиб кетган Бану Исроил яна бузғунчилик қилди. Аллоҳ таоло ўргатган «ҳиттотун» сўзи ўрнига бошқа сўзни алмаштириб айтдилар. Алмаштирган сўзлари қайси сўз эканини аниқ билишимизга Пайғамбаримиз Муҳаммад алайҳиссаломдан ривоят қилинган ҳадис ёрдам беради.

Имом Бухорий Абу Ҳурайра розияллоҳу анҳудан ривоят қиладиларки, Набий алайҳиссалом:

«Бану Исроилга «Эшикдан таъзим қилиб, «Ҳиттотун», – деб киринглар», – дейилган эди. Улар орқалари билан судралиб, сўзни алмаштириб, «Ҳаббатун фи шаъратин», – деб кирдилар», – дедилар.

Ушбу ҳадисдан маълум бўладики, улар ҳам амалда, ҳам сўзда хилоф қилганлар. «Сажда (таъзим) қилиб киринглар», – дейилса, думбалари билан судралиб кирганлар. «Ҳиттотун», – деб айтинглар», дейилса, «Ҳаббатун фи шаъратин», – дейишган. Уларнинг бу ишлари ҳам зулм, ҳам фисқ – Аллоҳнинг амридан чиқиш эди. Шунинг учун Аллоҳ таоло уларга осмондан азоб туширди. Ушбу икки оятда ўтган таълимотлардан биламизки, Бану Исроилнинг қилмишларидан яна бири Аллоҳнинг амрини ўзидек бажармасдан, бузиб бажаришдир.

Муаллиф
islom.uz
Мавзуга оид мақолалар
Ўзи хоҳлаган кишисига ҳикматни берар. Кимга ҳикмат берилса, дарҳақиқат, унга кўп яхшилик берилибдир. Фақат ақл эгаларигина эслатма олурлар. Бақара 269.Ҳикмат билан давоми...

3950 09:35 / 02.05.2018
Улар Роббларига албатта рўбарў бўлувчи ва албатта Унга қайтиб борувчи эканларига ишонганлардир. Бақара 46. Ушбу ишонч, яъни бир кун келиб, Яратганга рўбарў бўлишга, давоми...

3272 10:05 / 26.08.2017
Аллоҳ ва фаришталар уларга сояли булутларда келишига ҳамда ишнинг тугатилишига мунтазир бўлиб турибдилар, холос. Ва барча ишлар Аллоҳгагина қайтарилур. Бақара 210. давоми...

3057 16:20 / 17.02.2018
Е, ич ва кўзинг қувонсин. Бас, бирор башарни кўрар бўлсанг .Мен Роҳманга рўза назр қилдим. Бугун инсон зотига зинҳор гапирмасман,, ndash дегин,.Яъни .Хурмодан е, сувдан давоми...

5013 17:09 / 24.06.2017
Аудиолар

118731 11:58 / 10.10.2018
«Ҳилол» журнали
Китоблар

40695 14:35 / 11.08.2021