Бақара 110. Намозни қоим қилинг, закотни беринг...
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
بِسْمِ اللّهِ الرَّحْمنِ الرَّحِيمِ
وَأَقِيمُواْ الصَّلاَةَ وَآتُواْ الزَّكَاةَ وَمَا تُقَدِّمُواْ لأَنفُسِكُم مِّنْ خَيْرٍ تَجِدُوهُ عِندَ اللّهِ إِنَّ اللّهَ بِمَا تَعْمَلُونَ بَصِيرٌ
Бақара 110. Намозни қоим қилинг, закотни беринг. Ўзингиз учун нимаики яхшилик тақдим қилсангиз, уни Аллоҳнинг ҳузурида топасиз. Албатта, Аллоҳ нима амал қилаётганингизни кўриб турувчидир.
Оят кофирлар билан тенглашмай, уларни афв этиб, уларга нисбатан кечиримли бўлиб, унинг ўрнига фойдали ишлар билан – қиёматда манфаат берадиган намоз ўқиш, закот бериш каби бадан ва мол ибодатлари ила машғул бўлишга чақирмоқда. «Намозни қоим қилинг» жумласи «Намоз ўқинг» дегандан кўра бир неча баробар кучли ифодадир. Намоз худди бино қилиш, турғизиш лозим бўлган нарса-ю, шуни тўлиқ адо этиш зарурлигини англатади.
«Ўзингиз учун нимаики яхшилик тақдим қилсангиз…» бирикмасидан биламизки, демак, инсон нимаики яхшилик қилса, фойдаси ўзигадир ва савобини топажакдир.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
