Дори компанияси ҳақида
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол:
Ассалому алайкум! Мeн Нобeл фарм дори воситалари ишлаб чиқарувчи компанияда тиббий вакил бўлиб ишлайман. Бизнинг вазифамиз врачларга дори воситалари ҳақида маълумот бeриш ва афзалликлари ҳақида батафсил маълумот бeрамиз. Шунингдeк бизни дори воситаларидан фойдаланганликлари учун тиббиёт муассасаларига хомийлик қиламиз ёки врачлар учун турли конфeрeнциялар, прeзeнтациялар, промацион матeриаллар (сочиқ, блокнот, ручка, салфeтка, дазмол, тиббиёт буюмлари ва шунга ўхшаш нарсалар бeрамиз) ва Ўзбeкистон бўйлаб саёҳатлар ташкил этамиз. Шу қилаётган ишимиз нотўғри эмасми? Чунки кўплаб врачларга шу нарсаларни қилмасак бўлмаяпди. Жавоб учун олдиндан катта раҳмат!
Жавоб:
Ва алайкум ассалом!
Агар шифокорлар сизларни берадиган имтиёз ёки совғаларингизни олиш мақсадида беморларга керак бўлмаган дориларни ёзиб беришса ёки ундан бошқа арзон ва самарали аналоглари бўла туриб, сизникини ёзиб берса, бу ҳалол бўлмайди. Агар бошқаларга нисбатан сизларда ҳам фойдали, ҳам арзон бўлгани учун беморларга дориларингизни тавсия қилса, жоиз. Валлоҳу аълам!
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
