Имом Бухорий қайси мазҳабда бўлганлар?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Ассалому алайкум, Шайх ҳазратлари. Имом Бухорийнинг мазҳаблари қайси бўлган? Имом Бухорий ўз қўллари билан ёзган китоблари ҳозирги кунда қаерда сақланмоқда ва улар қайси китоблар?
ЖАВОБ: Бисмиллаҳир роҳманир роҳим.
Имом Бухорийнинг фиқҳий мазҳаблари ҳақида аҳли илм турлича гапларни айтганлар.
Тожуддийн Субкий ўзининг «Тобақотуш-Шофеъийя» китобида, Сиддиқ Ҳасанхон ўзининг «Абжадул улум» китобида ва Ибн Ҳажар ўзининг «Фатҳул Борий» китобида имом Бухорийнинг Шофеъий мазҳабида бўлганликларини айтганлар.
Ибн Қайюм Жавзийя ўзининг «Эъломул муваққиъийн» китобида ва Ибн Абу Яъло ўзининг «Тобақотул Ҳанабила» китобида имом Бухорийни ҳанбалийлардан, дейишган.
Шайх Тоҳир Жазоирий, шайх Муҳаммад Закариё Кандеҳлавий ва бошқалар эса «Имом Бухорий ўзлари мужтаҳид фақиҳ бўлганлар», дейдилар. Ушбу гапни кўпчилик уламолар қўллаб-қувватлайдилар.
Имом Бухорийнинг асарлари:
1. «Ал-Жомеъ ас-Саҳиҳ».
2. «Ал-Адаб ал-Муфрад».
3. «Ат-Тарих ал-Кабир».
4. «Ат-Тарих Ал-Авсат».
5. «Китобуз Зуафо».
6. «Китобус сунан фил фиқҳ».
7. «Холқу афъолул ибод».
8. «Ал-Асмаа ва Куний».
9. «Ал-Қироату холфал имом».
10. «Китобул ҳибати».
11. «Рафъул ядайни фис-солати».
12. «Биррул Волидайни».
13. «Ал-Жомеъ ал-Кабир».
14. «Ал-Муснад ал-Кабир».
15. «Ат-Тафсир ал-Кабир».
16. «Китобул Ашриба».
17. «Асомис-саҳоба».
18. «Ал-Ваҳдон».
19. «Китобул Мабсут».
20. «Китобул Илал».
21. «Китобул Фавоид».
22. «Китобул Қазоёс Саҳобати ват Тобеъийн».
23. «Машийхатул Бухорий».
У киши ўз қўллари билан ёзган китоблар қаерда эканини билмайман. Валлоҳу аълам.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
