Уч турли қавм (шеърлар)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
УЧ ТУРЛИ ҚАВМ
(бир хадис мазмунидан)
Икки олам сарвари мархамат-ла дедилар
Ёлланганди ишлашга уч тоифа кишилар
Пешингача амални қилдилар биринчиси
Тоқатлари етмасдан амални тарк этдилар
Иш берувчи қайтарди: ишни қилиб хаққинг ол
Дедиларки хаққимиз сенда эмас яхши қол
Тоқатимиз етмагай бу амални қилишга
Бошқасини ёллайқол, ана энди бемалол
Иккинчи бир гуруҳга, шартни қўйди ёллаган
Ишлаш учун бор йўғи кечга яқин вақт қолган
Олдингиларнинг хаққин қўшиб бергум бажарсанг
Аср вақтгача улар хам чарчашиб холдан толган
Тоқатлари етмасдан хаққидан бош тортдилар
Бошқа қавм ёлла дебон юкларини ортдилар
Мана биз бор дедилар, ўзга бир уммат туриб,
Ушбу амални ўтаб юзларин ёритдилар
Биринчиси Яхудий – йўлдан адашган гумрох
Иккинчиси Насроний – надоматла тортар ох
Учинчилар бизлармиз вазифани бажарган
Шу сабабдан Аллохим бергайсан ўзинг панох
Эй уммат ёдда тутгил ушбу хадисни хар дам
Вазифангни бажаргин қўймай ножўя қадам
Асрдан сўнг шомгача озгина вақт қолдику
Нафсни енгиб лойиқ бўл номин олишга одам
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
