Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сув ости олами ажойиботларга тўла. Унда кўзимиз ўрганган жонзотлар ва ҳали инсониятга маълум бўлиб улгурмаган ажабтовур балиқларни ҳам учратиш мумкин. Жумладан, ушбу маълумотларда энг намунали ота лақабини олган балиқ ҳақида сўз юритамиз. Бу балиқни араб тилида «Самакатул факк (Оғиз балиқ)» дейилса, фан тилида эса «Opistognathide» дейилади. Бу балиқнинг урғочиси эркак балиқнинг оғиз бўшлиғига ўртача 400 та атрофида тухум қўяди. Оғзи тўла тухум бўлган эркак балиқ бир неча ҳафта давомида таом танаввул қилмайди, шу муддат ичида тухум ичидаги балиқчалар кислород етишмаслигидан нобуд бўлмаслиги учун оғзини беркитмай очиқ ҳолда яшайди. Бундай пайтда урғочи балиқ ўзи учун яшайди.

Маълумотларга кўра, ушбу балиқ Атлантика, Ҳинд ва Тинч океанларида яшайди ва узунлиги 40 см ни ташкил этади.