Рамазоним келмоқда!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қуёшни ҳам кулдириб,
Қалбга сурур тўлдириб.
Дўстларни суюнтириб,
Рамазоним келмокда!
Саҳар туринг ёронлар,
Хатм қилинг Қуръонлар.
Дод деворсин шайтонлар,
Рамазоним келмокда!
Ғафлат ойи эмас бу,
Овқат ойи эмас бу.
Раҳмат ойи демак бу,
Рамазоним келмокда!
Сергаклик аҳди бўлган,
Мўминнинг бахти бўлган.
Исломнинг фатҳи бўлган,
Рамазоним келмокда!
Енг шимаринг тоатга,
Иймоний ҳаловатга.
Эришинг саодатга,
Рамазоним келмокда!
Иймон кучга тўлади,
Шайтон қулфланади,
Рухул Қудус инади.
Рамазоним келмокда!
Рамазонда сабр бор,
Етти юз қат ажр бор.
Минг ойга тенг Қадр бор,
Рамазоним келмокда!
Бу ой марду майдондир,
Кутиб турган райёндир.
Суму, деган Раҳмондир,
Рамазоним келмокда!
Юртдошим сен ҳам маҳкам бўл,
Савоб ишда илдам бўл.
Тур, ётма пешқадам бўл,
Рамазоним келмокда!
Аброр Мухтор Алий
2010 йил. Шаъбон 25
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
