Молик ибн Динорнинг кечаси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Молик ибн Динорнинг куёви Муғийра ибн Ҳубайб Абу Солиҳ айтади: «Молик ибн Динор вафот этганида у билан бир ҳовлида эдим. Хуфтон намозини у билан бирга ўқидим. Кейин бориб, кийимларимни кийдим. Молик ҳам келгач, унга нон келтиришди. У нондан егач, умридаги охирги намозини ўқиди. Сўнг соқолини тутамлаб, «Аллоҳим! Аввалгию охиргиларни жамлаганингда Молик ибн Динорнинг оқ соқолини жаҳаннамга ҳаром қил», деб дуо қилди. Кейин ухлаб қолибман. Кўзимни очсам, ҳали ҳам оёғини чўзиб, ўша ҳолатида ётар ва тинмай: «Аввалгию охиргиларни жамлаганингда Молик ибн Динорнинг оқ соқолини жаҳаннамга ҳаром қил», дер эди. У тонг отгунча шундай деб ётди».
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
