Жазоир ҳукумати Қуръон мактабларини қайта очди
Жазоир ҳукумати 31 декабрь куни мамлакатда коронавирус тарқалиши сабабли ёпилган Қуръон мактабларини қайта очишга рози бўлди. Бу ҳақда iqna манбаси хабар берди.
Жазоирнинг Al-Nahar газетаси веб-сайтида ёзилишича, Жазоирнинг Дин ишлари ва вақфлар вазирлиги баёнот бериб, Қуръонга ихтисослашган мактаблар соғлиқни сақлаш тартиб-қоидаларига қатъий риоя қилишни маъқуллагандан сўнг қайта очилишини эълон қилди.
Баёнотда Вакиллар ва Дин ишлари вазирлигининг минтақавий раҳбарлари ушбу марказларни маҳаллий кенгашлар билан ҳамкорликда назорат қилишлари айтилган.
Жазоирнинг вақфлар ва диний ишлар вазирлиги коронавирус эпидемиясига қарши курашиш учун зарур чораларни кўрмаган мактаблар дарҳол ёпилишини таъкидлади.
Эслатиб ўтамиз, Жазоир мусулмон олимлари ассоциацияси бундан олдин коронавирус тарқалишига қарши курашиш учун соғлиқни сақлаш кўрсатмаларига мувофиқ Қуръон мактабларини қайта очишга чақирган эди.
Уюшма қуйидаги баёнотни берди: «Қуръон мактаблари таълимни тартибга солувчи низомларга тўлиқ риоя қилиш орқали фарзандларимизнинг таълимини қўллаб-қувватлашга тўлиқ ҳисса қўшиши мумкин».
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
