Ҳақиқат, яхшилик, фойда элагингиз тешилмаганми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Кимга нимадир айтишдан, ғийбат қилишдан олдин ўйлаб кўрсак яхши бўларди.
Бир киши донишманддан сўради:
-Дўстингиз сиз ҳақингизда нима деганини айтайми?
-Шошма, -деди донишманд, - аввал айтмоқчи бўлган гапингни учта элакдан ўтказ.
-Учта элак?
-Бирор гапни айтишдан олдин, уни учта элакдан ўтказиш лозим.
Аввал ҳақиқат элагидан. Айтмоқчи бўлган гапинг ҳақиқат эканлигига ишончинг комилми?
-Йўқ, мен уни шунчаки эшитдим, холос.
-Демак, сен унинг рост ёки ёлғонлигини билмайсан.
Энди иккинчисини – яхшилик элагидан ўтказамиз.
Сен менга дўстим ҳақида бирор яхши гапни айтмоқчимисан?
-Йўқ, аксинча.
-Донишманд, - сен менга ҳақиқатлигини билмай туриб ёмон хабарни етказмоқчисан.
Кейинги учинчи элак – фойда элагидир. Сенинг гапингни эшитишим шартми, у менга фойда келтирадими?
-Йўқ, ҳожати йўқ.
-Демак, -хулоса қилди донишманд, - сен етказмоқчи бўлган хабарда ҳақиқат ҳам, яхшилик ҳам, фойда ҳам йўқ экан.
Унда уни менга айтиб нима қиласан?
Хулоса ўзингиздан...
PS: Элагингизни тез-тез кўздан кечириб туринг. Шунда курмакларингиз кимнингдир ошига тушмайди.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
